Watola Makani wachiskika kuwika pakweru unenesko pakugwira ntchito zawo pakulutiska panthazi ntchito yawo yakutumikira mumadera ghawo kovwira wanthu kumanya nakuchita unenesko kulutiska panthazi chitukuko Cha Chalo Chino.
Wayowoya ivi ni wa pachitengo wupu wa Misa Malawi wa Golden Matonga pa chikondwelero cha watolamakani World Press Freedom Day mu boma la Salima .
Wa Matonga wati kuvumbula vya mchindindi kukuvwira kuti chalo chilondezgenge makora vitukuko nakutolapo lwande pa vitukuko vyakupambana mchalo chino.
Ndipo wa Matonga walombaso walongozi kuleka kuchita ukali pala watolamakani wakuchita ku kuchita kafukufuku pa nkhani nge zakukolelera kweniso kulondezga vitukuko.
Yumoza mwa watolamakani pa chikondwelero ichi wa Linly Kamanga uyo wakugwira ntchito na wailesi ya Mtunthama mu boma la Kasungu wati mbunenesko kuti watolamakani wakukumana na masuzgo ghanandi chomene pala wakugwira ntchito zawo chomene awo wakugwira ntchito na ma wailesi yamu vigawa.
Wakulemba-Bridget Mwale