Isi siyobiwe palukomano ulwa kuyobesania na makomiti agha twaya agha tughaba utwa kukindana kindana ulu lwatendekesiwe ni kibughatila ikya Evangelical Association of Malawi (EAM) ulu ikyolondiwa kyake lwali lwa ukusyagha injila isya kumasyila amahongo kangi nakayilo akabuniongafu.
Pakuyobapo unkulumba uwa kwenesya inongwa ku kibughatila ikya ACB mwi boma lya Karonga Patricia Mkandawire atile kabalilo kingi akayilo aka mahongo kikwandila ku bandu aba kaya aba bikubika amahongo ukuti bakabe ubutuli bumo pamo lumo basimbiwe imbombo.
Umwene asumile abandu mwi boma ili ukuti basite ukubomba akayilo bo aka mahongo isi bati buyo bwake babaghile ukuti bakayobeghe kubakulumba kulumba papo yo njila yimo iya kumasyila akyilo aka
Nukuti uwa pakikota uwa komiti iya bandu abalemale iya District Disability Forum(DDF) Stancelous Mnkhondia ukufumila ku ntemi Wasambo andaghisye fiyo ikibughatila EAM ukwisa nulukamano uli papo bighuka maso pa masyo agha mahongo namuno bangayobela kangi nukumasyila akayilo aka.
Pakuyobapo Fumbanani Mwale ukufumila ku kibughatila ikya Evangelical Association of Malawi (EAM) atile ukwisa nulukomano ulu bikulonda ukukasya ukuti ifindu fibombiwe pabwelu pa kayilo akakulwana nisya mahongo.
Ikibughatila ikya Evangelical Association of Malawi kikubomba ulubatiko ulwa Churches United for Peace, Justice and Electoral Governance nubutuli ubwa ndalama ukufumila ku kibughatila ikya Bread for the World.
Unsimbi-Austin Sute Kayisi