Pakuyobapo na yumo mwabalongosi aba Mike Munthali atile abene ukuya fibughatila baghilile fiyo ukuti baghane ni boma ukuti bayobesanie fiyo ubukambala ubwa kwenesya amendelo nu tubombo loli bati iboma likaya nubwikyele umma.
Umwene atile iki abene bikuya pakukibomba abandu bikuya pakubuliwa pakukongesya imbatiko isya kubaghililiwa papo iboma likanile ukuti liyobesania ni fibughatila ifi pa masyo agha sebo uwa Karonga -Chiweta M1.
Umwene atile ukupilikana uku kwisile nongwa yakuti iboma lyapeliwe amasiku ilongo limo na mana(14) agha ifibughatila ifi fyabikile ukuti paye isya kuyobesania pa masyo aghakutendekeya usebo ughu loli bati bakamuliwa ukufikila mwisyughu.
Pakwamulapo unjobeli uwa bukambala ubwa kwenesya isya mendelo nu tubombo Chikondi Chimala atile iboma lya kwiyipa pa mbombo iyi apa kwalino ulu ulubatiko ulwa kwambilila ifikalatasi ku mankotrakita (bids) aba bikulonda ukubomba imbombo iya sebo ughu lukali lukukindilila ulu lwalighiliwe pa 28 July 2026.
Unsimbi-Austin Sute Kayisi