Ukufwana nu wakwimilili inongwa kulubafu ulwa boma Prosecutor Sergeant Dirk Maere ukufumila ku polisi inandi iya Kaporo alibulile ikoloti ukuti nkati wa mwesi uwa April tata uyu abukile ukwa ku charger ilamya yake(phone )ku myabo ukwa mwana uyu uku aye kumwagha umwana uyu alimwene itughele pa balaza.
Nukuti bati Nyondo alyandile ukukola kola umwana uyu kabalilo akapimba alipimbile ku bughona ubwa bana uku ayekughona nawe pamaka nukuti alitetemisye ukuti linga abulile yumo isya masyo agha ikuya pakugogha.
Nukuti naloli bati amasyo agha ghafisiwe loli bo pakindile udungu ghumowene unna uwa mwana uyu aswighile bo pakitala pamwana uyu pali ilopa bo andalusisye umwana uyu alingenie na isi syabombiwe nukuti unna abukile na masyo agha ku polisi unandi iya Kaporo nukukola tata uyu.
Nkabalilo aka mwikoloti Maere asumile ikoloti ukubika ulutumulilo ulunywamu kwa Nyondo papo inongwa iyi mbalapala fiyo iya kuti abaghile ukwakwitughala ku nyololo ubumi bwake bosa.
Pakubika ulutumulilo Senior Resident Magistrate Ephraim Chikwakwa akolelene na Maere nukuti atumwile ukuti Fernado Nyondo akitughale ku nyololo ifinja 18 nukwakubomba imbombo ingafu nongwa iya kughona nu mwana unandi ukufwana ni ndaghilo isya kisu iki pa kaghaba ka 138 iya Penal Code.
Unsimbi-Austin Sute Kayisi