Ayobile isi lyo lifumu ikya Mwalafyale GVH Mwaleba tata Kenani Mwandwanga pakabalilo aka kulima usebo kaya kabo.
Mwandwanga atile balinongwine ukwanda ukulima usebo nkaya kabo namuno babombelagha iyolo nikyolondiwa ikya kupungusya indamyo iya mendelo nakabalilo aka kisiku.
Umwene asumile kangi abanyafyale bosa aba pasi pa PGVH Katolola ukuya nulubatiko bo ulu nukuti andaghisye fiyo kasalala uwa kighaba iki Bilton Mwalweni ukwiyisya nukwisa ukubomba nabo imbombo.
Pakuyobapo kasalala Bilton Mwalweni andaghisye fiyo umwalafyale,Mwaleba,Mwambuli,Mwamalopa na Mwahoboke umwakukolena numwene ukupilikana ukuti wande ukulima imisebo iya nkaya kabo.
Umwene atile pali ubukolelanisi ubunywamu fiyo pa umwene na banyafyale aba isi asumile kangi abanyafyale abangi bope ukubomba bo isi nikyolondiwa ikya kufyusya ikighaba kyake.
Unsimbi-Austin Sute Kayisi