Masimbi ayobile amasyo agha pa bumalikisyo uwa mpalano uwa mpila uwa malundi pakati pa itimu iya Luchala FC na Matema FC uwa ndalama isya ukufwana 2 million kwacha kwa Mwalafyale SGVH Katumbi ughu wabombilwagha pa kibanja ikya Kasantha primary sukulu.
Umwene atile abikile umpalano ughu nikyolondiwa ikya kubapa abanyela ikya kubomba pakwipoka ku kayilo aka mwalwe mwalwe bo ukunwa ubwalwa,ukukwesa amakombo,ubuhiyi ukweghiwa nukwegha bo bakali bakeke.
Masimbi atile ali nubuhobofu fiyo namuno umpalano ughu wendile papo wendile kanunu kisita ubufulunganifu buli bosa isi atile ikuya pakuya nulubatiko ulwa kubika umpalano ughungi.
Pakuyobapo SGVH Katumbi andaghisye fiyo kasalala Adrian Masimbi ukwisa nu mpalano papo sipokile fiyo abanyela aba nkaya kake ku kayilo aka mwalwe bo ubuhiyi nu kunwa ubwalwa mwalwe mwalwe.
Paumalikisyo ubwa mpalano ughu itimu iya Luchala Fc yo yali ya kwanda iyi ya lyeghile indalama isya kufwana 700,000 kwacha apa itimu iya Matema Fc yali yakibili iyi yalyeghile indalama isya kufwana 450,000 kwacha.
Unsimbi-Austin Sute Kayisi