Pakuyowoyapo pa nyengo yakupeleka ovwili wa mankhwala aya mlala wa wakuona vyakutandazga mathenga ku wupu wa Pamoza Tingakwaniska Youth wa Emmanuel Moyo wati wakaona kuti mu vipatala ivi muli masuzgo ya mankhwala pa nkhani ya kupeleka nthowa zakulera kweniso uchembele uwemi kuyana na ntchito yawo iyi wakugwira ya nthowa za kulela kweniso uchembele uwemi mu vipatala ivi.
Iwo wati wa mama wanandi wawezgekanga kweniso waphalilikanga kuti wakagule mankhwala wekha pala wakukhumba nthowa za kulela kweniso uchembele uwemi ivi wati kwasono kuyana na ovwili uwu vichepeskenge masuzgo aya kweninso vilutiskenge panthazi mulimo uwu.
Pakuyowoyapo mlala wa pa chipatala chichoko cha Kayelekela wa Wakisa Kaonga mbakuonga chomene na ovwili uwu chifukwa kanandi mankhwala ya kulela kweniso uchembele uwemi yakukwizanga ya kukwanila yayi pa chipatala chawo.
Nakuti Chimwemwe Nangwale uyu ni mlala wa pa chipatala chichoko cha Iponga wati mankhwala aya yiza mu nyengo yake ivi vivwilenge chomene chifukwa boma palekha lingakwanisya yayi ivi kuwa na ma wupu nge wa Pamoza Tingakwaniska Youth kovwilenge chomene pa nkhani ya kulera kweniso uchembele uwemi.
Nakuti mankhwala ya yapelekeka ni Lignocaine,Syringe,Surgical blabes,Guze roll.Adhesive plaster,Pregnancy test kits,Ibuprofen na yanyakhe.
Wupu wa Pamoza Tingakwaniska Youth wapeleka ovwili uwu kwizila mu ndondomeko Fiska Ulato Project na ovwili wa ndalama kufumila ku Breukmann Foundation.
Wakulemba-Austin Sute Kayisi