Pakuyobapo pakabalilo akakukibika ubutuli ubu uwa kibili ku dongosi uwa kakundi aka Malumbo Gondwe atile ukubika ubutuli ubu yo njila yimo iya kwinangisya pabwelu ukundaghisye I sukulu iyi kwa isi yababombile ukufikila apa balipo lino.
Umwene atile kangi isukulu iya Chaminade yili nakapango akakufyusya abana kanunu pa ngelo nukubatuma abana bingi ku sukulu isya bupakasi isi bati ukuti akapango aka kakindilile syakulondiwa ukuti abamanyisi na bana bayeghe nifyakubaghilila nukuti kyokimo kyapelile ukuti akakundi kabo keghepo akaghaba ukubika ubutuli ubu.
Gondwe atile kakaya kakwanda umma ukubika ubutuli ubu pa sukulu iyi papo bati pa bwandilo babikilepo kangi matress 100 nukuti kangi kunyuma uko babikile kangi ubutuli ubwa Solar ubwa ndalama isya kufwana 20 million kwacha.
Pakuyobapo pakabalilo akakwambilila ubutuli ubu umanyisi unkulumba pa sukulu iya Chaminade Amin Pwele andaghisye fiyo akakundi aka ukwisa kangi nubutuli bo ubu pa sukulu iyi isi sikunangisya ukuti bikwendela palikimo pa ndamyo isi sikwaghiwa pa sukulu iyi.
Nukuti pakuyobapo uwa kibili ku nkulumba uwa bana ba sukulu Blessings Kipandula atile alinuhobofu fiyo nubutuli ubwa matress agha papo baghilwagha pa buhono pa bununu nukuti ukuya ban aba sukulu bali nimbatiko isya kupakikisya matress agha
Uwakusimba-Austin Sute Kayisi