Senior Chief Kalonga wa mu boma la Karonga wachiska mafumu mu vikaya vyawo kutolopa lwande kutuma ŵana ku sukulu chifukwa chakuti wati sukulu ndicho chida chimoza pera icho chingasinthiska chikaya.

STA Kalonga wayowoya makani aya ku nyumba kwake uku wangunozga mulimo wakuonga nakuchiska kweniso kulelya lumoza chakulya na wana ŵasukulu wakukwana 16 wa ku chigawa chawo awo ŵasankhika kuluta ku mayunivesite ghakupambanapamba

Iwo wati wakamba kuchita mwatheulo kwamba chaka 2014 apo wakasoleka nge Group Village Headman apo wakagwira ntchito chomene yakwiziska mtende mu chikaya chakhe chifukwa malo agha ghakamanyikwanga na nkharo ziheni ndipo pakaŵavya uawo wakakhumbanga kwendako, ndipo kukachemekanga kuti “Mwanjabala Barracks” kweniso pakaŵavya chidwi na masambiro ivi kwa sono bati ni Mwanjabala muphya

Mwakulutilila wa STA Kalonga wachiska ŵana ŵasukulu aŵa kuti ŵalimbikire ku sukulu mwakuti ŵawe vyelezgero viwemi mu muchikaya kweniso ŵanthu ŵakwiziska chitukuko.

Pakuyowoyapo m’malo mwa ŵana ŵasukulu, Estery Mukambala , uyo wasankhika kuluta ku Mzuzu University wawonga wa nthemba Kalonga chifukwa cha kuchiska na chakurya ichi, ndipo wasimikizgila kuti walimbikilenge chomene.

Wakulemba -Austin Sute Kayisi