Pakuyobapo pa bunyagho ubwa kufwika ikyegho iki isoka lya nguya Mpeta Mwakasungula tata Gabriel Maseke atile ubunyagho ubu bwendile kanunu fiyo kangi syakuhobosya.
Maseke andaghisye fiyo ku ntemi uwa batemi Kyungu ukwitikisya nukufyusya Mwalafyale GVH Malema 1 ukuya SGVH.
Nukuti asumile umwalafyale SGVH Malema 1 ukuya wakutila kyala kangi nukuya nulughindiko ku ntemi uwa batemi Kyungu,mbuya Mpeta Mwakasungula kangi bati aghindike abandu bake nkaya.
Pakuyobapo pakabalilo akakwambilila ikikota iki SGVH Malema 1 andaghisye fiyo untemi uwa batemi Kyungu pakufyusya ukuya SGVH.
Nukuti andaghisye fiyo mbuya Mpeta Mwakasungula ukumwitikisya ukumongelela kangi amafumu aghangi aghakubomba nagho imbombo.
Paumaliksyo SGVH Malema 1 asimikisyile abandu aba nkaya kake ukuti baghulileghe ikitukuko nkaya aka nukuti andaghisye fiyo abahesya bosa na bandu bankaya kake aba nalisile pa bunyagho ubu.
Unsimbi-Austin Sute Kayisi