Untemi STA Kilupula ayobile amasyo palubatiko ulu ikaselo iya boma lya Karonga yighulila nu kubakolekesya ikipatala iki.
Umwene atile ukwighuliwa ukwa kipatala ikinandi ikya Ngerenge sikuya pakutula fiyo abandu papo bendeghe ubwendo ubutali ukubwagha ubutuli isi atile ikuya pakwenesya ukuti pasite ukwaghiwa umundu aliwesa ukwingilila ubuyo ubwa kipatala iki muno siyilile bo fipatala ifingi.
Nukuti asumile ikaselo iya boma lya Karonga ukuyenga ikyumba ikya kupalilamo abayuba pa kipatala iki (Maternity Wing).
Pakuyobapo yope umwimilili uwa kunyumba iya ndaghilo ku lubafu ulwa Karonga Lufilya Abraham Mwankhwaba atile ukwighuliwa ukwa kipatala ikinandi ikya Ngerenge kukuya pakutula ukupungusya ubwendo ubutali ubu abandu bendagha.
Nukuti yope akolelene nu Ntemi STA Kilupula isya kuti pa kipatala iki payengiwe ikyumba ikya kupalilamo abayuba (Maternity Wing) nikyolondiwa ikya kupungusya ifwa isya bayuba ukufwila munjila .
Nukuti unkulumba uwa fyabumi mwi boma lya Karonga David Sibale atile ikuya pakwenesya ukuti abakubomba imbombo iya fyabumi bikutimisiwa bakufwana pa kipatala iki nikyolondiwa ikya kuti abandu bambilileghe ubutuli ubwa kufwana.
Unsimba-Austin Sute Kayisi