Isi syobiwe pa fimanyilo ifi ikibughatila ikya kwenesya ikisalo ikya MEC mwakukolena ni kibughatila ikya Evangelical Association of Malawi kyatendekesyile abatimi aba mwi boma lya Karonga.
Pakuyobapo unkulumba uwa kibughatila ikya kwenesya isya kisalo ikya MEC mwi boma lya Karonga Elias Nyirenda syakulondiwa fiyo nukubombela imbombo palikimo na batimi pa masyo agha kisalo papo bikuya na bandu bingi fiyo fipanga fyabo.
Umwene atile kangi singatula fiyo ukuti abandu bafikiliwe nubufumusi bwakubaghililiwa kangi ubwa bwanaloli ubwa kisalo ukuti umundu aliwesa uyu asimbisye akavote pa fisalo ifi.
Nukuti akasisye abandu kisu muno baleke ukupasya na masyo agha abandu bamo bikuyoba pa masyo agha kavotelo bo isya Systematic papo bati ifisalo ifi fikuya abandu bikuya pakuvota muno bikuvotela bwila.
Pakuyobapo untimi Chrispin Mzumara uwa pakikota uwa batemi ku kibughatila ikya Evangelical mwi boma atile ifimanyilo ifi bafyambilile kanunu fiyo papo sikuya pakubatula bope ukuti babamanyisye abandu fipanga fyabo ukuti ifisalo ifya pa 16 September 2025 fisende kanunu.
Uwakusimba-Tamandani Kasuka Mboma