Ulubatiko ulwa kufyusya umwalafyale VH Mwakanyamale ukuya GVH Mwakanyamale lubombiwe nkaya kake ku ntemi Kilupula mwi boma lya Karonga.
Pakuyobapo pa uwapakikota uwa lubatiko ulu uyu kangi yo nsimbi uwa mwalafyale Mwanyamale Dellings Mwangairo ulubatiko ulu lwendile kanunu fiyo nukuti andaghisye fiyo untemi STA Kilupula ukufyusya ukwa mwalafyale wabo ukuya GVH Mwakanyamale isi sikunangisya ukuti kwalino bepwikemo maboko agha GVH Mwenitete.
Nukuti andaghisye fiyo abanyafyale na bandu bosa aba balisile palubatiko ulu ukongelelapo umwimilili uwa kunyumba iya ndaghilo kulubafu ulu Mungasulwa Mwambande uyu yope alipo pa lubatiko ulu.
Pakuyobapo pakablilo akakufyuka ubunyafyale ubu untemi STA Kilupula atile umwalafyale GVH Mwakanyamale afyukiwe ukufwana ni mbombo syake isya kitukuko isi ikubomba nkaya kake kangi nukukongesya indaghilo isi sikupinyiwa ku komiti inywamu iya kitukuko iya Ngerenge ADC.
Nukuti ilumbusisye na banyafyale bamo aba bali pasi pa myake aba bati ba kaya nakayilo umma kangi bitikukongesya indaghilo isi sikupinyiwa ku ADC bo umwalafyale Mwampaghatwa na Mwamsaku isi umwene atile linga bikukindilila umwene alinamaka agha kubepusya pafiko fyabo.
Uwakusimba-Austin Sute Kayisi