Gulu la wa Kilupula Women Forum lachiska pa ntchito iyi wa kugwira ku chigawa ichi ya kulimbana na nkhaza kweninso muchitilo wakugwendeska wana kuluta nawo ku chalo cha Tanzania.

Ivi vyayowoyeka na khasalala wa chigawa cha Kaporo wa Ishmael Pembamoto apo wendelanga gulu ili.

Wa Pembamoto wati gulu la Kilupula Women Forum likugwira ntchito yikuku chomene kweniso yakutukula chikaya pankhani ya nkhaza izi wamama na wana wasugwana wakusangana nazo kweniso kugwendeska wana wasugwana kuluta nawo ku Tanzania ku kawagwiriska ntchito.

Iwo wati gulu waoneseskenge kuti gulu ili livwileke na ndalama za mu nthumba la CDF kuti wawengenso na chakuchita chifukwa wakugwira ntchito iyi mwakujipeleka Waka.

Pakuyowoyapo wa pa chitengo wa gulu la Kilupula Women Forum wa Mary Japie waonga wa khasalala awa kuzawendela nakuwachiska pa ntchito yawo iyi wakugwira nakuzapulikanso masuzgi wawo.

Nakuti watinso iwo nge gulu wali nachigomezgo kuti nawo wapindulenge na ndalama za mu nthumba la CDF kuyana na ntchito yawo iyi wakugwira chifukwa pali kukolelana kukulu chomene pakati pa khasala wawo kweniso mwimilili wa ku mphala ya malango ku chigawa ichi wa Abraham Mwankhwaba.