Ikibughatila ikya MRA kitile abene nyumba isya reti batikuhomba kangi income tax iyi bahomba iyolo loli bati bohomba isongo iya Rental Income Tax.
Kwa lino ulu ubuyo ubwakukinda 2,000 basimbisye kale mulubatiko ulu.
Udongosi uwa lubatiko ulwa Rental Income ku MRA Elizabeth Polokera atile isongo iyi yikupalamasya inyumba isi abandu bikughonamo is abene nasyo bikweghela indalama (reti).
Umwene ongelile ukuyoba ukuti isongo iyi yikubomba imbombo pa ndalama isi umundu ikikaba nukuti sikuleghana nisongo iya VAT papo yonongwa yake inyumba isya kughonamo sikwitikisiwa ukuhomba isongo bo iyi.
Polokera atile imbatiko isya kubalangila abandu aba batisa kukongesya imbatiko iya isongo iyi sikuya pakuyobiwa pakyeni apa nukuti kangi isongo iyi yandile ukubomba imbombo ukwanda pa 14 April 2026.
Nukuti National Coordinator wa kibughatila ikya bapelelesi kya Association of Business Journalist -ABJ Arthur Chokhotho andaghisye MRA nongwa iya kutendekesya ifimanyilo ifya isongo ku bapelelesi aba ku kibughatila kyabo mwi boma lya Mangochi.
Nukuti atile ifimanyilo ifi fikuya pakutula abapelelesi ukupilika ubununu ubwa isongo iya lino ukuti bamanye ukumanyisya abandu bingi isya kulondiwa ukohomba isongo iyi.
Unsimbi-Austin Sute Kayisi