Isi siyobiwe palubatiko ulwa ukwighila ifimanyilo ifya masiku mabili ku bapelelesi aba kibughatila kya Association of Business Journalist (ABJ) ifi fikubombeliwa mwi boma lya Mangochi.
Commissioner wa kabughatila ikya MRA Felix Tambulasi atile ukuya kibilughatila ikya MRA kwalino kyeghile indalama isya kufwana 532 billion kwacha umwesi wa April ukuleghanisya ni ndalama isya kufwana 510 billion kwacha isi balinongwine ukuti syo bangeghela.
Tambulasi atile kangi ali nulusubilo ukuti namuno imbombo yabo yikwendela kanunu ikibughatila kyabo kukiya pa kufwanisya ukweghalela indalama isya kufwana 6.2 trillion kwacha pa kinja isi bati singatula pakitukuko ikya kyuma ikya kisu iki.
Udongosi uwa kibughatila kya Association of Business Journalist -ABJ Arthur Chkhoto andaghisye ikibughatila ikya MRA ukwisa nifimanyilo ifi isi bati sikuya pakutula abapelelesi aba kwenesya isya kyuma ukusimba masyo ghabo agha bwanaloli pa isya songo kangi ninjila impya iya pa makina iya kweghela isongo ku bakyulusi iyi yikukoleliwa Electronic Invoicing System -EIS kangi nisongo iya nyumba iya Rental Income tax.
Ifimanyilo ifi fitendekesiwe mwakukolelana ni kibughatila ikya bapelelesi ikya Association of Business Journalist -ABJ iki abapelelesi aba kibughatila iki ukufumila ku nyumba isya kufumusya masyo isya kukindana kindana kisu muno.
Unsimbi-Austin Sute Kayisi