Iboma litile bati imbombo isya migodi kisu muno sitikubomba kanunu umma nongwa papo ikyuma iki iboma likukabapo litikufwana 1%.

Austin kayisiJune 9, 2026045 views

Isi siyobiwe na kaghaba akakwenesya imigodi pasi pa bukambala ubwa fya magesi ni migodi(Department of Mining under the Ministry of Energy and Mining) pa fimanyilo ifya isiku limulyene nkindoli ikya Lilongwe ifi batendekesyile aba pelelelesi aba bikusimba amasyo gha bukyulusi aba kibughatila ikya Association of Business Journalist -ABJ.

Pakuyobapo unkulumba uwa kaghaba akakwenesya imigodi Martin Mkasala atile ukwikilila ukwa GDP kokupelile ukuti ikyuma ikya kisu iki kighomokele ku nyuma nongwa yakuti akaghaba aka migodi ko kaghaba kamo aka kikufyusya ikyuma ikya kisu iki pa kyeni nukuti udongosi uwa kisu iki Prof.Peter Muthalika atumwile ukuti ubukambala ubwa migodi bubaghile ukwenesya ukuti ukufika ikinja ikya 2030 imbombo isya migodi sikabeghe na 10% nukuti 2063 lisafike pa 25%.

Mkasala atile kangi ifimanyilo ifi fikuya pakutula fiyo abapelelesi aba ukusimba amasyo agha migodi agha ghali nubwanaloli nikyolondiwa ikyakuti unya Malawi aliwesa amanyeghe ukukongesya imbatiko isya kubaghililiwa isya migodi.

Mmasyo ghake uwakibili ku dongosi uwa kibughatila ABJ Alex Banda atile ifimanyisyo ifi fikuya pakutula abapelelesi ukumanya kanunu namuno imbombo isya migodi sikwendela kangi namuno sikutulila pa masyo agha kyuma kisu muno ukuti sibuke pakyeni.

Unsimbi-Austin Sute Kayisi

Ikibughatila ikya Malawi Revenue Authority -MRA kyandile imbombo iya kukasya abandu isya isongo iya nyumba (Rental Income Tax).

The Department of Mining under the Ministry of Energy and Mining said that the country’s mining sector is lagging far behind and underperforming, as the revenue the state generates from it does not even reach 1%.

Related posts

Malawi Revenue Authority has called on journalists to take up the huge responsibility of informing and educating the public on tax matters and obligations.

Ikaselo iya Karonga Town bighele ifigayo ilongo limo nakimo (11) ifya mpunga ni syabala pa Karonga Town nongwa aya kutoliwa ukukongesya imbatiko isya kuyola amabuswa na makandi agha syabala.

Abandu aba kubomba ubukyulusi na aba bikulisya ifyombo mwi boma lya Karonga bandaghisye ukwisa ukwa lubatiko ulupya ulwa MANEPS ukwendela mukaghaba ka boma ka Public Procurement and Disposal of Assets Authority -PPDA.