Pakuyobapo pa lubatiko ulu kwabombeliwagha pa sukulu iya primary iya Chisogholo unkulumba ku kibughatila kya Malawi Human Rights Resource Centre-MHHRC Emma Kaliya atile ulubatiko ulu lwakulondiwa fiyo ukufwana nulubatiko ulwa Pamoza ulu bikubomba mwi boma ili papo lukuya pakubika ulusako ulunywamu fiyo ukumasya ifipahu ifya pa lamya.
Nukuti asumile abanyafyale ukuya balongosi bakubaghilila pa kumasya isya ifipahu kaya papo bati kablilo kingi abana na bayuba bikwaghana nifipahu abanyafyale bikuketesya itolo batikubombapo nasimo.
Pakuyobapo untemi uwa batemi Kyungu uwa boma lya Karonga na Chitip atile ulubatiko ulu lukuya pakutula fiyo ukumasya isya kipahu isi andaghisye ubukambala ubwa kusita ukuleghana pakati pa bayuba na batata (gender) kibughatila kya Malawi Human Rights Resource Centre-MHRRC nifibughatila fyosa ifi fyalipo ukwisa nukwikakikisya ulubatiko ulwa Mobile Tecknoligy To End Gender Based Violence-MOTEG mwi boma lya Karonga.
Nukuti unkulumba uwa ba polisi mwi boma lya Karonga Morgan Dzozi atile ulubatiko ulwa Mobile Tecknology To End Gender Based Violence-MOTEG balwambilile kanunu papo abene isiku lililyosa bikwambilila inongwa iya fipahu ihano nayimo (6) ukufuma ku bayuba na bana isi bati ulubatiko ulu lukuya pakutula ukuti inongwa bo isi sise pabwelu.
Ulubatiko ulwa kumasya isya ifibahu pa ma phone ulu lukoleleiwa Mobile Tecknology To End Gender Based Violence-MOTEG loli batiko ulwa kuyoba ifibahu ifi umundu ukwaghana nafyo ukwendela pa lyamya(PHONE) pakutuma ubufumi ku 4274.
Unsimbi-Austin Sute Kayisi