Pakuyowoyapo pa nyengo ya kupokelela katundu uyu mulongozgi wa Cathedral Fr Cecilio Silwamba waonga chomene kampani iyi chifukwa cha mtima uwemi Iwo walongola kwizila mu katundu uyu.
Wa Silwamba wachiskaso wachristu kuti wasungilile makola katundu uyu.
Nakuti wa pachitengo wa St Peter’s out Station Mercy Nyirenda waongaso chomene kampani iyi kuyana na ovwili uwu chifukwa panguwa suzgo likulu chomene apo wanthu wanji wafikilikanga yayi na uthenga pa nyengo ya kusopa chifukwa cha unandi wa wanthu pa mpingo uwu.
Nipo wati katundu uyu wasungililenge makola na chakulata chakuti viwovwile mpingo.
Pakuyowoyapo pa nyengo ya kupokelela katundu uyu Manager wa kampani ya Dechaos Hardware and Construction wa Deodatus Muriya wati kampani yawo mwakulongozgeka na mlongozgi wawo wa Chagoma wapeleka ovwili uwu pakupulika za masuzgo agho tchalitchiili likusangana nawo chifukwa Cha kusowa vyakwimbila.
Iwo wati kusowa kwa vyakwimbila nge ni ivi kukatimbinizganga chomene nyengo ya visopo ni chifukwa chake kampani yawo yukana chakuzilwa kupeleka katundu uyu.
Wakulemba-Austin Sute Kayisi