Pali ukusita ukupilikana ku kabughatila akabatimi ka Karonga Pastors Fraternity pa isya kusaliwa ukwa Pastor Mwayi Soko ukuti yo aye mwimilili uwa batimi ku komiti iya kitukuko iya Karonga Town Constuency Development Committee.

Austin kayisiJune 9, 202608 views

Ukufwana nikilatasi iki akabughatila akabatimi ka Karonga Pastors Fraternity kasosisye mwakulongosiwa nu wa pakikota wake Bishop Brave Kamanga atile Pastor Soko akabaghila ukubimilila abane ku komiti iya Karonga Town Constuency Development papo bakaya nawe mu kabughatila kabo.

Bishop Kamanga bope baswighile fiyo nukusaliwa ukwa Mwayi Soko ukuti akabimilile ku komiti iyi isis atile linga bikulonda untimi ukuti aye mu makomiti agha kukandana kindana babaghile ukwendela mulubatiko ulu nunu bo ukufika kasti ku kabughatila akabatimi ka Karonga Pastors Fraternity.

Pakwamulapo Pastor Soko atile ikalata iyi ayibwene loli bati pingilepo indale papo ikalata iyo yikunagisya ukuti yilembiwe na Evangelical Association of Malawi nukuti umwene ukuya ntimi ali nubwabuke ubwa kusita ukuya nabo mu kabughatila ka Karonga Pastors Fraternity loli abaghile ukusaliwa pafikota ifyakukindana kindana ifya fitukuko ukufwana ni mbatiko isya boma.

Pastor Soko atile umwene yo wapakikota uwa kabughatila ka Pastors Fraternity Association of Malawi-PFAM mwi boma lya Karonga isi bati abukile kulusako ulu ukwimili akabughatila ka nukusaliwa kangi uku komiti Karonga Town Constuency Development ukufwana nindaghilo isya boma ukuti untimi aliwesa abaghile ukusaliwa ku komiti iyi isi ukuketa ku kabughatila aka alimo.

Pakuyobapo nu wapakikota uwa Karonga Town Council Baleke Maholo atile isya masyo agha asimenye papo yope bati Pastor Mwayi Soko akamanya kanunu umma loli bati ukuya Karonga Town Council bikuya pakwitughala pasi nimbafu syosa nukupilikana ikindu kimokyene.

Unsimbi-Austin Sute Kayisi

ABANDU BUNA (4) BAFWILE PA SOKA IYA PA SEBO PA TENENDE.

Ulubatiko ulwa kumasya isya ifibahu pa ma phone ulu lukoleleiwa Mobile Technology To End Gender Based Violence-MOTEG lwikakikisiwe mwi boma lya Karonga.

Related posts

Kampani ya Dechaos Hardware and Construction, yapeleka vyakuyimbira(PA System ) vya ndalama zakukwana wa K8 million ku tchalitchi la Catholic la St. Peter’s Out Station pasi pa St. Joseph the Worker Cathedral mu Diocese ya Karonga.

Untimi uwa Bethel Africa Church Rev Samuel Mvula asumile ifipangab ifya kukindana kindana nukweghapo akaghaba ukubika ubutuli ku bandu aba bikupamasiwa ni ndamyo isi sikwisa kisita ukwitendekesya.

Moderator wa CCAP Synod of Livingstonia Rev Jairos Kamisa akasisye abanyafyale ukuti babike kyala pakyeni nukuya nulusubilo mwa kyala pa kumwiputa pa fikota ifi bali nafyoo.