Ayobile isi yo Willy Chitete uyu yo manyisi uwa kwenesya isya kapakikisyo ka bana ku ntemi Mwakaboko.
Umwene atile abana aba bikulekelesya isukulu panjila nongwa iya kubayosya ukubuka nabo ku kisu ikya Tanzania,ukwegha inyanda,ukweghiwa nukwegha bo bakali bakeke kangi nukubombesiwa imbombo iya kusuka amaghali pa Songwe border kangi nukwanda ukwendesya ifitukutuku.
Umwene atile ukufwana ni ndamyo iyi bitughele pasi nutugha utwa kukindana kindana ukwendela ma sukulu nukumanyisya abana isya bununu ubwa sukulu.
Pakuyobapo na yumo mwa mambela wa kakundi ka Mwakaboko Women Forum Josephine Musowoya atile bope bali nulubatiko ulwakumanyisya abana mwakukolena na ba Mother group ma sukulu.
Umwene atile abana bingi aba bikuyosiwa ukubuka ku Tanzania bikwisa bali ni mbungo kangi bamo bikwisa imitu yabo yifulunganisiwe.
Unsimbi-Austin Sute Kayisi