DC Mwambo ayobile masyo agha apa umwene palikimo nu mwimilili uwa ku nyumba iya ndaghilo ku lubafu ulwa Karonga Songwe Mungasulwa Mwambande bali nulubatiko ulwa kwendela indalo isi sikulondiwa ukuyengiwe ku sebo uwa Ighembe-Kitwika na Mwakamogho.
Mwambo atile ukwendela ifitukuko ifi fikulondiwa ukubombiwa kukutula fiyo nukinda ukuti dongosi aye mundu wakupilika pamo ukuketa itolo pa mapepala pa fitukuko fikulondiwa papo bati lumo ifi fisimbiwe ukuti fyo fibombiwe fingaleghena na muno ifindu fiyilile ku buyo uku kukolondiwa ifitukuko.
Umwene asimikisyile abandu aba kulubafu ulu ukuti ukuya kaselo bikuya pakulima imisebo nukuyenga indalo bo iya Kakolya,Kilambalele na Mwakamogho ni ndalo isingi ukwendela mu ndalama iya munyambi iya CDF.
Nukuti untemi Mwakaboko andaghisye fiyo DC Willard Mwambo mwakulongosiwa na Mwambande ukuya nulubatiko ulwa kwendela imisebo iyi isi sikupela amaka ukuti imbombo iya indalo ni musebo yikuya pakubombiwa.
Pakuyobapo numwimilili uwa ku nyumba iya ndaghilo ku lubafu ulu Mungasulwa Mwambande andaghisye DC Willard Mwambo ukwitika ubusume bwake nukubuka ukwenda imisebo iyi isi bati sikabombiwamo siku na ba DC abangi.
Mwambande atile ukusuma nubuka nawe ku musebo iyi alondagha ukuti DC uyu iketele mwene indamyo isi abandu abakulufu ulwa sebo Ighembe-Kitwika na Mwakamogho bikwaghana nasyo papo alyandile ukukuta liyolo ku kaselo kangi na ku nyumba iya ndaghilo.
Unsimbi-Austin Sute Kayisi