Pakuyobapo pa kabalilo akakubika ubutuli ubwa ndalama isi Mwambande atile ukufwana nulubatiko ulu abandu ba nkya ka Mwakamogho babombile ukwitughala pasi nukusangulisania indalama isya kulimila usebo nkaya kabo kindu kyakulondiwa fiyo yonongwa yope eghilepo akaghaba akakusangula indalama bo iyi.
Mwambande atile ukuti akaya kafyuke pene linga bandu nkaya bakolelene bo isi sikubombiwa nkaya ka Mwalafyale Mwakamogho.
Umwene atile imisebo yakulondiwa fiyo pa masyo agha bumi ubwa isiku ni siku, ifimanyilo kangi namendelo gha bandu yonongwa yope asangwile ukongelelapo pa isi abandu basangwile.
Pakuyobapo untemi Mwakaboko uyu yope abikilepo indalama iya kufwana 100,000 kwacha atile ukusita ukuya ni misebo iya kubaghililiwa sikughomokesya ku nyumba ifitukuko nkaya isi andaghisye Mungasulwa Mwambande ukubika ubutuli ubu.
Nukuti akasisye abanyafyale aba kulubafu lwake ukuya nimbatiko isya kulima imisebo nkaya kabo bo muno abombile umwalafye Mwakamogho ukusita ukuti ifitukuko fyosa basubileghe ku boma.
Nukuti DC wa iboma lya Willard Mwambo uyu yope alipo palubatiko ulu atile syakulondiwa ukuti abandu nkaya beghengepo akaghaba pa fitukuko fimo papo indalama iya boma yikabaghila ukufwanisya ifitukuko fyosa ifi fikulondiwa nkaya nkabalilo kamukene.
DC Willard Mwambo yope abikilepo indalama iya kufwana 200,000 kwacha pakusangula uku.
Unsimbi-Austin Sute Kayisi