Nkuyobapo ulu abikaga Chitonya atile abombile isi ukufwana nasisyo alagile kubanyafyale nkabalilo ka ngomano isya kukopa abandu.
Umwene alagilile ukuti linga isa kusaliwa, isakubatula nifitukutuku ukuti bangatamigwaga linga bikwenda ukwenesya ifitukuko fifyo fikubombigwa ntwaya twabo.
“Naketile ukuti botamigwa amendelo.
“Polelo kulondigwa ukuti abanyafyale babo bali mulubafu lwangu baye namendelo amanunu linga bikubomba imbombo syabo sya kitukuko kangi nukwenesya ifitukuko ifingi.”
Chitonya aabasumile kangi abanyafyake abo ukuti babombege palikimo nabanyafyale abangi, babo bali mulubafu lwake papo abandu bali nukusubilo kufitukuko ifingi ukuti gikuya pakubombigwa.
Nkuyobapo mbuyo bwa banyafyale abangi, Umalafyale Mweniyumba agwile ulupi kwa Chitonya nongwa yakufwanisya sisyo alagile isi abingi batikubomba.
Umwene abasumile abanyafyale abanine ukuti bangulisyaga ifitukutuku loli ukubombrla imbombo yiyo yikulondigwa ukuti ifitukuko fibalanile mosa.
Unsimbi: Austin Sute Kayisi