Mwambo ayobile masyo agha pa bumalikisyo ubwa lukomano ulwa kulingania imbatiko imbya isya kwendesyela indamala isya mu nyambi iya kitukuko iya CDF ku tughaba na balongosi aba fibughatila nu tukundi utwakukindana kindana mwi boma ili.
Umwene atile linga aliwesa ukweghapo kaghaba akakubomba ifitukuko pamo ukubomba ulwenesyo ulwakufwana pa fitukuko ifi fibikiwe fighaba sikuya pakutula ukuti indalama isi sibombe imbombo.
Pakuyobapo pa mbatiko imbya isi uwapakikota uwa komiti iya kitukuko iya Mwakoboko ADC Edward Chitete atile ikutisiwe ni mbatiko isi papo sibikile amaka ku bandu bingi pakabombesyelo ka mbombo aka ndalama isi.
Nukuti umwimili uwa kunyumba iya ndaghilo kulubafu ulwa Karonga Lufilya Abraham Mwankhwaba atile yope ikitisiwe ni mambatiko isi papo indalama isi sibikiwe nyingi fiyo polelo syakulondiwa ukuti sibikiwe pabwelu ku bandu isi bati ifitukuko fikuya pakuboneka ku maso gha bandu.
Unsimbi-Austin Sute Kayisi