Untemi uwa batemi Kyungu uwa boma lya Karonga na Chitipa asumile iboma ukubika ulutumulilo ulunywamu ku ma kampani agha mugodi agha ghitikungosya imbatiko isya mugodi kisu muno.

Austin kayisiJune 9, 2026051 views

Kyungu ayobile amasyo agha apa ikimbala ilya kwenesya isya ifipeliwa Patricia Wisikesi indelagha umugodi uwa Coal and Mining Group -CMG kwa Kasantha namuno ifindu fiyilile ughu iboma lyalighele pa 8 April ikinja iki.

Kyungu atile kangi mundu wakuswigha fiyo ukuti iboma lyalitikisye ukuti kampani iya Coal and Mining Group -CMG yande utubombo twake loli bati yikafwanisye ukuya nifikalatasi fimo ifyakubaghilila.

Umwene atile iboma libaghile ukubika indalama nyingi isya kuti ama kampani agha ghitikukongesya imbatiko isya mugodi bahombeghe kangi atile abandu aba bapalamasiwe ni misi amanyali kisoko ikya Kasantha babahombe.

Pakuyobapo ikambala Ilya ifipeliwa Patricia Wisikesi atile iboma lili nimbatiko ukuti luyepo ulutumulilo ulu nywamu ku ma kampani agha mugodi agha ghitikukongesya imbatiko papo 5 million kwacha iyi bohomba nandi fiyo.

Nukuti unkulumba uwa kwenesya utubombo ku kampani iya Coal and Mining Group -CMG Brian Mwangonde atile bamanyisiwe nyingi ukufwana nukwimikiwa ukwa mugodi wabo ughu nukuti kwalino fimo bandile kale ukufibomba nikyolondiwa ikya kuti bafwanisye ifi fikulondiwa.

Unsimbi-Austin Sute Kayisi

Unkulumba wa boma lya Karonga DC Willard Mwambo atile mbombo ya mundu aliwesa ukwenesya ukuti indalama isya kufwana 5 billion kwacha isya mu nyambi iya kitukuko iya CDF yukubomba kanunu imbombo yake.

Untimi uwa Bethel Africa Church Rev Samuel Mvula asumile ifipangab ifya kukindana kindana nukweghapo akaghaba ukubika ubutuli ku bandu aba bikupamasiwa ni ndamyo isi sikwisa kisita ukwitendekesya.

Related posts

Mudzi Connect Urges Communities to Embrace Local Giving

Nge nthowa yimoza yakuchepeskera masuzgo agho wayilesi ya Dinosaur FM yikusangana nawo,gulu la Shantwaya Radio Listening Club lapereka mahead set gha mustudio ghawiri .

Malawi Revenue Authority has called on journalists to take up the huge responsibility of informing and educating the public on tax matters and obligations.