Untimi uwa Bethel Africa Church Rev Samuel Mvula asumile ifipangab ifya kukindana kindana nukweghapo akaghaba ukubika ubutuli ku bandu aba bikupamasiwa ni ndamyo isi sikwisa kisita ukwitendekesya.

Austin kayisiJune 9, 202605 views

Rev Mvula ayobile amasyo agha apa ikipanga kyabo kyali nulubatimo ulwa kubendela nukubikapo butuli ku bandu aba bapalamasiwe nindamyo iya kuteka kwa misi aba bali pa buyo ubwa Mwahimba.

Uwemwene atile ukuya kipanga balinongwine ukuti bakabendele nukubikapo ubutuli ku bandu aba papo bikutamiwa fiyo pa masyo agha fyakulya pa buyo ubu isi andaghisye kangi abandu bosa aba beghilepo akaghaba pa butuli ubu.

Nukuti wapakikota uwa pa buyo ubu Anna Mwangonde andaghisye fiyo aba African Church ukwisa nubutuli ubu papo pa buyo ubu pali indamyo fiyo bakaya nifyakulya nafimo isi yope asumile abandu abakulondela ifinunu ukubatulapo bope.

Kasalala uwakighaba ikya Kaluma North Myness Mwalweni andaghisye ifipanga pakweghapo akaghaba ukwisa nubutuli ku bandu aba pa buyo ubu nukuti asumile iboma nifibughatila ukuti lyeghepo akaghaba ukutula abandu papo inyumba syabo siwile losa nukuti simo silendemwike na misi agha.

Unsimbi-Austin Sute Kayisi

Untemi uwa batemi Kyungu uwa boma lya Karonga na Chitipa asumile iboma ukubika ulutumulilo ulunywamu ku ma kampani agha mugodi agha ghitikungosya imbatiko isya mugodi kisu muno.

Daniel Mwanyongo Chitonya uyu yo mwimilili wa ku nyumba iya ndaghilo kulubafu ulwa Karonga Town asumile abanyafyale ubukolelanisi nukubombela palikimo ifitukuko ifya ndalama iya kufwana 5 billion kwacha isya munyambi iya CDF.

Related posts

Kampani ya Dechaos Hardware and Construction, yapeleka vyakuyimbira(PA System ) vya ndalama zakukwana wa K8 million ku tchalitchi la Catholic la St. Peter’s Out Station pasi pa St. Joseph the Worker Cathedral mu Diocese ya Karonga.

Pali ukusita ukupilikana ku kabughatila akabatimi ka Karonga Pastors Fraternity pa isya kusaliwa ukwa Pastor Mwayi Soko ukuti yo aye mwimilili uwa batimi ku komiti iya kitukuko iya Karonga Town Constuency Development Committee.

Moderator wa CCAP Synod of Livingstonia Rev Jairos Kamisa akasisye abanyafyale ukuti babike kyala pakyeni nukuya nulusubilo mwa kyala pa kumwiputa pa fikota ifi bali nafyoo.