Mtumbuka ayobile masyo agha palukomano ulwa ndyale pa Lupaso ku ntemi Kyungu mwi boma lya Karonga.
Umwene atile kabalilo kingi abalongosi aba kisu iki linga basaliwe batighinong’onela iboma lya Karonga na Chitipa pa masyo agha fitukuko isi abandu abandu aba maboma agha ghikwitula ghene papo bikusubila ubulimi.
Mtumbuka atile kabalilo kingi abalongosi aba bikwisa mu ma boma mabili agha pakabalilo akakuhaha abandu ukuti babasale isi bati syakitima fiyo.
Nukuti asumile abandu aba mwi boma lya Karonga ukusala Dr Dalitso Kabambe uwakipani ikya UTM pa fisalo ifya pa 16 September 2025 ukuya dongosi uwa kisu iki nikyolondiwa ikyakuti bandu babuke mu ndamyo isi bikwagha nasyo.
Mtumbuka atile ikpani ikya UTM kili ni mbatiko inunu isya kubinong’ela abandu linga kingile mu boma papo imbolela isakwikilila kangi abandu aba mwi boma ili bisakukaba fiyo pa bukyulusi ubu bughomile fiyo ku nyuma ukufwana nubulongosi ubu bulipo.
Uwakusimba-Austin Sute Kayisi