Pakuyobapo pa lubatiko ulu mbuyo ubwa Galoz Matatizo Mpeketuka uwa pakikota uwa Friends of Golaz, Watson Mwagomba atile ba bombile isi nongwa iya ndamyo isya abandu aba kulubafu ulu batamiwe kabalilo katali ukusita ukutuliwa ni boma pa masyo agha mendelo pa kisoko iki isi syo simo sipelile ukuti bisile nu butuli bo ubu.
Nukuti atile indalama isya kufwana 118 million kwacha syo isi sikuya pakubombeliwa imbombo iya kuyenga ululalo ulu.
Pakuyobapo mbuyo ubwa GVH Mwambuli Atupele Katuya Mwangomba uyu lyo lifumu lya Mwalafyale uyu atile ali nubuhobofu fiyo papo abana bingi bakutoliwa ukubuka ku sukulu nukuti abandu batoliwagha ukubuka ku kipatala nkabalilo ka kisiku linga ikisoko kiswile nukuti kangi pakisoko ikya Mwangwabila abandu bingi bafwilepo fiyo.
Nukuti uyu ukuya pakwimila pakikota ikya kasalala ku kighaba ikya Rukuru South wa kipani ikya NDP Mackenzie Malema andaghisye fiyo Golaz Matatizo
Mpeketuka ni kitukuko iki kangi asumile abandu aba kulubafu ulu ukupakikisya ifyombo ifya kubombe ululalo ulu nikyolondiwa ikya kuti basite ukwiba.
Uwakusimba-Austin Sute Kayisii