Pakuyowoya na yumo mwa walimi wa ku chigawa ichi wa Charles Masewo wati mbakukhwafika chomene na ivi vya chitika chifukwa ivi vyapeleka chofyo pa umoyo wawo.
Iwo wati viswaswa kweni vimaji vya malaska vili mu mulonga wa Kasantha kweniso mu minda yose ya mpunga ku chigawa ichi.
Pakuyowoya na wa pa chitengo wa komiti ya chitukuko wa Kilupula ADC wa Kingdom Malanga wati ni unenesko nadi kuti vi amaji vya malaska vyanjila mu mulonga wa Kasantha,Changwina na Kafulu ukufumila ku mugodi wa CMG ivi vyapeleka chofyo chifukwa wanthu wa kuchigawa ichi wakugwiriskila ntchito milonga iyi.
Nakuti wati wakhale pasi na mafumu kweniso na walala walala wa mugodi uwu kuti ghujalike.
Nipo mlala wa mugodi wa Caol Mining Company-CMG wa Manowa Mkandawire wati wawenge na kasandasanda pa nkhani ya viswaswa na vimaji vya malaska ivi vyaluta mu milonga iyi chifukwa wati nge kampani yawo wali pa nthazi chomene ku vikilila umoyo wanthu kweniso chilengiwa.
Wakulemba-Austin Sute Kayisi