PGVH Mwantende ukuya bunyafyale palikimo nu mwimilili uwa ku nyumba iya ndaghilo kulubafu ulwa Karonga Songwe bapilikene isya kulima usebo ughu kufwana ni ndamyo iya mendelo iyi abandu na bana ba sukulu batamiwagha .
Nukuti ubukolelanisi ubu ukusangula kanandi kanandi syopelile ukuti usebo ughu ghulimiwe.
PGVH Mwantende andaghisye kangi umwimilili uwa kunyumba ndaghilo kulubafu ulu Mungasulwa Mwambande ukweghapo akaghaba ukusosya indalama yope isya kulimila usebo ughu.
Pakuyobapo Mungasulwa Mwambande pakabalilo akakwendela usebo ughu andaghisye fiyo abandu aba nkaya ka Mwalafyale PGVH Mwantende pa mbombo iyi babombile kangi nubukolelanisi ubu bwalipo.
Umwene atile kwalino ulu kulubafu ulu kwandile ukwanduka apa amagesi ghafikilempaka nkaya apa kwalino bali nulubatiko ulwa kuyenge ikipatala ikinandi pa Kakolya mwakulelana na Bishop Martin Mtumbuka pasi pa Diocese iya Karonga.
Usebo ughu wabutali bakufwana 1 kilometer nukuti babombesyile indalama pabupipi 6 million kwacha.
Unsimba-Austin Sute Kayisi
