Mwambo ayobile isi apa ikomiti iya Procurement and Disposal of Assets yighulagha ifikalatasi (bids) ifya bakuyenga pamo ukuti makontrakita aba bikulonda imbombo isya buyengi ukwendela mu ndalama iya munyambi iya CDF mu mbatiko isya fitukuko ifyakufwana ilongo limo na itatu(13).
Umwene atile ukubika imbombo iya fitukuko pa bwelu kindu kya kulondiwa fiyo pakwenesya ukuti ikitukuko kyake kiye kyakubaghililiwa.
Nukuti uwa pakikota uwa kaselo iya boma lya Karonga Atusaye Mwenefumbo akasisye aba kasalala abinake ukuti baye bandu bakwenesya ifitukuko ifi nikyolondiwa ikya kuti fiye fitukuko ifyakuyengiwa ifikafu kangi ifinunu.
Pakuyobapo uwa pakikota awa kwimila aba kyulusi ku kaselo iyi Gift Mwambinga atile ulubatiko ulwakwighulila ifikalatasi ifi kapango kanunu fiyo mwi boma lya Karonga papo syabika abakuyenga ukuya nulusako ulwakufwana pakulwana ukulonda imbombo iya buyengi ukwendela mu ndalama isya munyambi iya CDF.
Nukuti fimo mwa fitukuko ifi fikuya pakubombiwa bo ukuyenga indalo usebo uwa Igheghe-Kitwika,nukuyenga indalo usebo uwa Mwakamogho,ukulima usebo uwa Songwe-Ngana,ukuyenga unyumba ibili isya bakubomba imbombo pa kipatala ikya Kaporo nifitukuko ifingi fighaba ifyakundana kindana.
Unsimbi-Austin Sute Kayisi
