Ilikambala Ilya kwenesya isya mendelo ni sya buyengi Jappie Mhango asimikisyile abandu aba mwi boma lya Karonga ukuti imbombo iya kutendekesya usebo uwa Karonga -Chiweta M1 yikuya pakwanda kubwandilo ubwa mwesi uwa November ikinja iki.

Mhango ayobile amasyo agha pa isyakuyobesania isi atemile na ba Civil Society Actors mwi boma lya Karonga.

Mhango atile kwalino ulu bikughulila imbatiko isya bandu aba bikulonda aba bangatendekesya usebo ughu nukuti indalama isi bikuya pakubombesyela imbombo sikuya pakufunila ku ma Bank aghakukindana kindana kisu muno.

Pakuyobapo na Obert Mkandawire yumo ukufumila ku Civil Society Actors andaghisye ilikambala ili nongwa ya kwisa ku syakuyonesania isya kupalamasya usebo uwa Karonga -Chiweta M1.

Mkandawire atile bikutisiwe namuno ilikamba ili libamulile palema bati bikuya pakukindilila ukukumbusya iboma linga likutoliwa ukufwanisya ifi babuliwe ukuti imbombo iyi yikwanda kubwandilo ubwa mwesi uwa November ikinja.

Unsimbi-Austin Sute Kayisi