Ikibughatila ikya Financial Access for Rural Markets Smallholders and Enterprises -FARMSE nubukolelanisi ni bank iya NBS kikuya pakwanda ukubika ingongole ku tukundi utwa nkaya utwa kusunga nukwasimana indalama nikyolondiwa ikya kufyusya amasyo agha kyuma ku tukundi isi bati sikuya pakutula kangi ukufyusya iboma lya Karonga.

Yumo mwa bakulumba kulumba ukufumila ku ikibughatila iki Maudestar Namalenga yo uyu ayobile amasyo agha mwi boma lya Karonga pa lukomano ulu lwatemiwe ku ikaselo iya Karonga Town.

Namalenga atile utukundi utwa kusunga nukwasimana indalama utwa kufwana 200 totusubiliwa ukukaba nabo ukwendela mulubatiko ulu fighaba ifyakukindana kindana nikyolondiwa ikyakuti abandu baye bakwisubila pa kyuma.

Pakuyobapo unkulumba uwa kaselo ya Karonga Town Dr Margaret Kunje atile ulubatiko ulu lukuya pakutula fiyo ukwandula ubumi ubwa bandu mwi boma ili papo kwalino bikuya pakuya nulusako ulwakusyagha indalama isyakufyusyila ubukyulusi bwabo.

Unsimbi-Austin Sute Kayisi