Mungasulwa Mwambande ayobile masyo agha mu nyumba iya ndaghilo pa kusuma iboma ukwendela ku bukambala ubwa fyamendelo nutubomba ukuyenga simo mwa indalo ku kighaba kyake uku abandu bikutamiwa amendelo kabalilo akakisiku.
Umwene atile indalo isi iyo Kakolya,Kilambalele,Mwakamogho na Kaundi syo simo isi boma libaghile ukubinong’onela abandu aba kulubafu lwake papo abandu bikutamiwa amendelo kabalilo akakisiku.
Nukuti umwene atile ali nulusubilo ukuti muno asumile ku boma likuya pakubatula pa masyo agha ndalo isi.
Paumalikisyo Mwambande andaghisye abandu aba kulubafu ulwa Karonga Songwe ukusala kangi ukuya mwimilili uwa ku nyumba iya ndaghilo kulubafu ulu nukuti abasimikisyile ukuti basubileghe ifitukuko ifyakukindana kindana ifi alyandilepo kale ukububomba kunyuma uku.
Pakwamulapo mu nyumba iya ndaghilo ilikambala ilya mendelo nutubombo ugindikiwa Feston Kaupa asimikisyile umwimilili uyu ukuti ukuya bukambala bukuya pakubuka ukwenesya ubuyo ubu nukutulapo ukuyanga indalo isi.
Uwakusimba-Austin Sute Kayisi
