Ayobile is yo Devilliers Mwale yumo mwa membala uwa komiti iya Internal Procurement and Disposal of Assets kwi kaselo iya boma lya Karonga pakabalilo akakwighula ifikalatasi (bids) ifya bakuyenga pamo kuti ma kontrakitala aba bikulonda imbombo isya buyengi isya kukindana kindana isya ndalama iya munyambi iya CDF.
Mwale atile ukuya kaselo iya boma lya Karonga yiikuya pakwenesya ukuti ifitukuko ifi bikuya pakubomba fiye fitukuko fya kubaghililiwa ukufwana muno abene bikulondela.
Nukuti atile kangi kaselo iyi yibikile fyosa pa bwelu pa bandu aba bikulonda imbombo isya buyengi nikyolondiwa ikya aliwesa uyu wakubaghililiwa ukufwana ni mbatiko syake isya buyengi apeliwe imbombo.
Pakuyobapo uwa pakikota uwa ikibughatila ikya buyengi mwi boma lya Karonga pasi pa ikibughatila ikya Construction Industry Association of Malawi (CIAM) Roy Ducan M’bwana andaghisye ikaselo iyi ukuya nulubatiko ulwa kwighula amakalata gha(bids) pabwelu papo bati kangi sikuya pakubika ulusako ukuti ma kontrakita aba mwi boma lya Karonga balwaghe ulusako bope ukukinda ukuti abandu aba ku butali bo bapeliweghe imbombo isya buyengi kwi kaselo iyi.
Unsimbi-Austin Sute Kayisi
