Poyowoyapo pa pamanyuma pa mwambo uwu, Mulongozgi wa zaumoyo pa chipatala ichi, wa David Sibale, wati wachita ivi na chakulata cha kuŵachiska wa kugwira ntchito pa chipatala ichi kuti walutilire kulimbikila pa kuvwila wanthu pa nkhani ya vya umoyo pa chipatala ichi.
Bwana mkumbwa wa boma la Karonga (DC), Willard Mwambo waonga chomene wakugwira ntchito awa wapokela vya wanangwa ivi chifukwa cha kujipeleka kwawo pa ntchito.
Iwo watinso wanthu awa mbaponoski chifukwa cha ntchito yawo yikulu yakuponosya umoyo wa ŵanthu.
Mwambo uwu wanguchitika na owvili wandalama kufumila ku ma bank ghakupambanapambana mu boma la Karonga nge ni First Capital Bank, Standard Bank, ndiposo National bank.
Nakuti mlala wa First Capital Bank Penjani Phiri wati ntchakukhumbikwa chomene kuonga wanthu wakugwira ntchito pa chipatala chifukwa kanandi wakuluwika nakuti wati nge bank walutililenge kovwila mwambo nge ni uwu kwa myezi yitatu yiliyose.
Wakulemba-Austin Sute Kayisi
