Pakuyobapo pakabalilo akakikwikikisya ulubatiko ulwa kisalo iki pa Hangalawe TDC yumo mwa ma Commissioner Caroline Mfune akasisye abandu nukweghapo akaghaba pa kisalo ikya palubafu ikya kasalala ku kighaba ikya Uliwa.
Mfune atile ku kighaba iki kukuya pa kubombiwa ikisalo ikya palubafu ukufwana nifwa iya uyu ali yo kasala ku kighaba iki Hawckings Muthali uwa kipani ikya PP uyu afwile pa 23 March ikinja iki nukuti ikisalo iki bati kisa kubombiwa pa 30 June 2026
Umwene atile ulubatiko ulwa kuhaha abandu ku bandu abikulonda ukwisa ukulwana nabo pa kisalo iki lwandile mayolo pa 30 April nukuti lwisa kumalika pa 28 June nakabalilo ka 6 koloko kulubunju ikinja iki.
Pakuyobapo unkulumba uwa boma lya Karonga DC Willard Mwambo atile bikwilamwa nukweghapo akaghaba pa kisalo Kya kasalala isi bati sikufulungania ifisalo polelo akasisye abandu aba bikweghapo akaghaba pa kisalo iki kangi na ba fipani ukuya ni ngomano isya lutengano ukuti ikisalo iki kisabombiwe kanunu.
