Nukuti ulubatilo ulwa isiku ili kisu muno lubombeliwe pa kibanja ikya sukulu iya Uliwa primary ku ntemi Wasambo mwi boma lya Karonga.
Uhesya ugindikiwa palubatiko ulu ali yo Mary Navicha uyu lyo likambala ikya kwenesya isya kusita ukuleghana pakati pa bayuba na batata nukupakikisya abandu.
Navicha atile ulubatiko ulu lwakulondiwa fiyo papo lutulile ukuti abandu bingi aba bakamenye ukubala nukusimba bamanye ukwendela mu sukulu isya kwacha.
Unkulumba uwa boma lya Karonga DC Willard Mwambo atile apalamasiwe fiyo papo abatata bingi batikubikapo indumbula iyakughonokela kangi ku sukulu isya kwacha ukuleghanisya na bayuba.
Paumalikisyo untemi Wasambo andaghisye fiyo iboma ukwisa nulubatiko ulu kulubafu lwake papo lwakasya abayuba na batata pa masyo agha sukulu isya kwacha nukuti atile ikuya pakuya nulubatiko ulwakukasya abatata ukubuka ku sukulu isya kwacha.
Mwi boma lya muli utukundi utwa kufwana 288 utwa sukulu isya kwacha ukusimba nukubala nukuti abandu aba bikumanyila balipo 4,059 abakikulu balipo 3,841 apa abanyambala balipo 218.
Unsimbi-Austin Sute Kayisi
