Navicha ayobile amasyo agha bo endile abandu aba kulubafu ulu pakuketa ikitukuko ikya inyumba ibili isya bamanyisi pa sukulu iya Kakolya CDSS,iofesi iya bamanyisi pa sukulu ya Mayoka primary, iofesi iya bamanyisi pa sukulu ya Kabale ni nyumba iya kwitughalamo uwakubomba imbo iya fyabumi pa clinic iya Mwangomba.
Pakuyoba paumalikisyo ubwa kwendela ifitukuko ifi Navicha andaghisye fiyo abandu aba kulubafu ulu pakwiyioa pa bene pa mbombo isi.
Umwene atile isi bikubomba abandu aba mwi boma lya Karonga pakwiyipa pa bene pa fitukuko fitikubombiwamo mu ma boma aghangi isi atile kimanyisyo kinywamu fiyo ku ma boma aghangi ukusita ukusubila iboma lyene umma.
Nukuti untemi Mwakaboko andaghisye fiyo ugindikiwa Mary Navicha ukwisa mukwendela ifitukuko ifi isi atile sikuya pakubika amaka ku bandu ukukindilila ukubomba bo isi.
Umwimilili uwa ku nyumba iya ndaghilo kulubafu ulwa Karonga Songwe Mungasulwa Mwambande atile ubukolelanisi ubu bulipo umwene na balongosi abakulufu ulu kyokimo kupelile ukuti ifitukuko ifi fibombiwe.
Unsimbi-Austin Sute Kayisi
