Aba polisi mwi boma lya Karonga bikakikisye ulwenesya ulwakulonda abandu aba bikubinong’onela ukuti bonangile ifyombo nukufulusya abandu pakipanga ikya Ighembe Seventh-day kwa mwalafyale Benjamin Chawinga.

Isi sili bo ulu ukufwana nukulwana uku kulipo pakati pa ikipanga na bandu aba nkaya aba basyungutile ikipanga iki pa masyo agha kulwila ubuyo.

Ukufwana nu wakibili ku wafumusa amasyo ku plisi iya Karonga Magret Msiska atile isi sibomwe pa pyaghilo apa abandu aba babungene nukwanda ukubatunya na mambwe abene kipanga bo bali nkati mwakwiputa.

Umwene atile ukutuna kwakindilile ukufikila ukonanga ifyombo ifyombo ifya ifyakipanga nikutunya kangi ighali ililyali panja pa kipanga iki.

Nukuti amasyo agha ghafikile ku polisi inandi iya Kaporo uku aba polisi babopileko ukubakagha abandu aba abakalale nukuti abandu bamo aba kipanga bafulele aba babopile nabo ku kipatala ikinandi ikya Kaporo apa bamo babatumile ku kipatala ikywamu ikya Karonga.

Msiska asokile abandu ukusita ukweghalo indaghilo maboko ghamo nukuti atile ulwenesyo lulil nkati ukulonda bandu aba bikwinong’oneliwa ukupalamasiwa na masyo agha.

Unsimbi-Austin Sute Kayisi