Unkulumba uwa kwenesya imbatiko ku ikibughatila ikya Evangelical Association of Malawi -EAM mwi boma lya Karonga Fumbanani Mwale yo uyu ayobile masyo agha pa umalikisyo ubwa lukomano ulu ikibughatila iki kyatemile mwi boma ili.
Mwale atile linga ifibughatila fingeghapo akaghaba akakubombela palikimo ni komiti iyi yikwenesya namuno ifitukuko fikwendela kwi kaselo, iya Karonga Instutional Integrity Committee ukumasya akayilo aka mahongo singatula fiyo ukupungusya akayilo aka.
Pakuyobapo uwapakikota uwa fibughatila ifi fikaya fyamo mwi boma lya Karonga Edgar Phiri atile syakulondiwa naloli ukwendela palikimo nukuti asimikisyile abandu ukuti ifindu fikuya pakwenda kanunu pa masyo agha kumasya akayilo aka mahongo fiyo pa fitukuko ifi fili pasi pa kaselo iya boma lya Karonga.
Nukuti uwakumanyisya abandu ku kibughatila ikya ACB Agnes Taukirani Phiri atile ulukomano ulu lukuya pakubatula ukuti akayilo aka mahongo kapunguke.
Ikibughatila ikya Evangelical Association of Malawi -EAM kikubom ba ulubatiko ulwa Churches United for Peace, Justice and Electoral Governance nubutuli ubwa ndalama ukufumila ku kibughatila ukya Bread for the World.
