Pakuyobapo pakabalilo akakwikakikisya imbombo iya ku wakuyenga (contractor) unkulumba uwa boma lya Karonga DC Willard Mwambo atile imbombo iya ku malisya kutendekesya iofesi iya DC nukula ifyombo ifya mu ofesi iyi kangi ukuyenga ifibusu fibili ku sokoni ingulu syakulondiwa ukuti umundu aliwesa uku imbombo iyi yikubombiwa abaghile ukweghapo akaghaba pakwenesya.
Nukuti atile bikuya pakwenesya ukuti uwa kuyenga uyu apeliwe imbombo ikuyenga ifindu ifyakubaghililiwa papo bope imbombo iyi bayibikile pabwelu ukuti amundu wesa amanyeghe ifitukukuko ifi fikubombiwa ku kaselo yabo.
Pakuyobapo uwa pakikota uwa komiti iya Malema Neighbourhood Development Morgan Kakangula andaghisye fiyo ikaselo iya boma lya Karonga pabing’onela pakubayengela ifibusu pa sokoni ingulu iyi isi bati sikungisya ukuti ikaselo iyi yikupilika inguto iya bandu.
Pakuyobapo nu nkulumba uwa Mazagala Building Contractor Randson Simbeye uyu apeliwe imbombo iyi atile ikaselo iya boma lya Karonga yiyeghe itolo nulusubilo ukuti imbombo iyi yikuya pakubombiwa mwa bupakasi.
Unsimbi-Austin Sute Kayisi
