Abana aba bambilile ubutuli bo ifikwama ifya kubikamo imyenda,indalama,ama buku ghakusimbilamo, sugar,isopo ni fingi.
Pakuyobapo pakabalilo akakubika ubutuli ubu Daniel Mwanyongo Chitonya atile abikile ubutuli ubu ukufwana ni ndamyo isi abapapi babana bikwaghana nasyo linga abana bikubuka ku sukulu isya sekondale.
Umwene ongelile ukuyoba ukuti akayako umwana uwakuti abaghile ukutoliwa ifimanyilo nongwa iya ifyombo ifya kumanyilila abana pamo indalama isi atile bati iboma libikile inyambi iya ndalama isya kutulila abana abatolwe pa fimanyilo.
Pakuyobapo yumo mwa bakulumba ukufumila ku ofesi iya fimanyilo mwi boma lya Karonga Emmanuel Mwalilino atile ubutuli ubu bwakulondiwa fiyo ubu kangi bukuya pakukasya kangi abana abangi aba bali ku sukulu isya primary ukuti bope basabombe kanunu pa ngelo syabo.
Nukuti yumo mwa bapapi aba bana aba Shaurayi Kaumba uyu umwana wake asaliliwe ku sukulu iya sekondale iya St Mary’s Girls atile ubutuli ubu bwisile kabalilo kake apa isukulu sikuya pakwighulila
Nukuti andaghisye fiyo Daniel Mwanyongo Chitonya ukufwana nubutuli ubu isi umwene atile akasibonamo ukubombiwa na balongosi bamo.
Unsimbi-Austin Sute Kayisi
