Mwalweni ayobile masyo agha apa endelegha I sukulu iya St Mary’s Boys.
Umwene atile isukulu iya St Mary’s Boys yili ku nyuma fiyo pa masyo agha kitukuko pa fyumba ifya ku manyililamo abana ifi bati fyayengiwe liyolo fiyo kangi finandi nukuti abana bamo bikumanyilila pafipiki.
Umwene ongelile ukuyoba ukuti syope inyumba isya bamanyisi pa sukulu iyi sikayapo isya kubaghilikiwa umma kangi na bamanyisi bope batoliweghe ukwitughala pa sukulu isi bati bingi bikwendela itolo.
Mwalweni asumile abanyafyake aba basyungutile isukulu iyi kangi na bakomiti ukukolelanako ukuti ikitikuko kifike pa sukulu iyi nukuti pa bumalikisyo abikile kangi ubutuli ubwa ndalama isya kufwana 150,000 pa sukulu iyi isi alaghile ukuti linga isile ukusaliwa pakikota iki isakubika.
Uwa pakikota uwa komiti iya PTA pa sukulu iyi John Mwalilino asimikisye indamyo isi syo silipo pa sukulu iyi nukuti andaghisye fiyo kasalala Biton Mwalweni ukwisa ukwendela isukulu iyi.
Pakuyobapo uyu alimilile umwalafyale Mwambetania tata Lughano Kishombe atile ukwisa ulwa kasalala Mwalweni pa sukulu iyi kukubapa amaka ukuti ifikutukuko pa sukulu iyi fikuya pakwenda kanunu.
Nukuti hope asumile ubukolelanisi pa bukongosi bosa u w apa sukulu iyi nikyolondiwa ikya kufyusya isukulu iyi pakitukuko.
Unsimbi-Austin Sute Kayisi
