Isi soyobiwe pafumanyilo ifi akaghaba ka Public Procurement and Disposal of Assets Authority -PPDA katendekesyile aba kyulusi aba mwi boma lya Karonga.
Pakuyobapo na uyu ikwimilila aba kyulusi kwi kaselo iya boma lya Karonga Gift Pina Mwambinga atile ukwisa ukwa injila imbya iyi pamo (online) nunu fiyo papo yikuya pakwamula indamyo nyingi isi abandu aba bikulisya ifyombo fyabo baghana nafyoo ku nyuma uko.
Mwambinga atile kangi ulubatiko ulu ulwa pa computer ukwagha ulusako ulwa kuti abakyulusi bulisye ifyombo fyabo l(tenders) sikuya pakutula papo yikuya pakuya mbepe nukinda ukusimba pa form muno babombelagha kunyuma uko.
Pakuyobapo nu wafumusya masyo ku kaghaba ka Public Procurement and Disposal of Assets Authority -PPDA Manday Pondani atile ulubatiko ulwa MANePS lwalikakikisiwe nkinja ikya 2023 nikyolondiwa ikya kuti abakyulusi aba batukiwe pa mbombo iya kulila nukulisya ifyombo fyabo nukuti lwandile ukubomba imbombo umwesi wa April 2026.
Unsimbi-Austin Sute Kayisi
