Yumo mwa ma Commissioner ku kibughatila iki Caroline Mfune yo uyu ayobile amasyo agha mwi boma lya Karonga pakabalilo akakwighulila ulukomano ulwakwenesya namuno ikisalo ikya palubafu kyalyendile ku Ighembe kangi nikisalo ikinywamu ikya 2025.
Mfune atile syakulondiwa ukuti abandu aba bikwimila pa fisalo babaghile nukweghapo akaghaba akanywamu fiyo akumanyisya abandu ubununu ubwa ku vota kangi na muno bangavotera nikyolondiwa ikyakuti kusite ukwaghiwa ukwa mavoti mingi aghakonangika ukufwana namuno fyabombeliwe pa kisalo ikya 2025.
Nukuti linga abalongosi aba bangabamanyisya bandu singatula fiyo ukupungusya ukonangika ukwa mavoti agha.
Pakuyobapo unkulumba uwa ofesi iya kibughatila iki mwi boma lya Karonga Elias Nyirenda atile ifimanyilo ifi fyali fyakulondiwa fiyo ukuti bamanye namuno ifisalo ifi fyalyendile nukuti bikuya pakwendesya ukuti bikukindilila ukumanyisya abandu nukweghapo akaghaba akakuvita kangi namuno bangavotera.
Unsimbi-Austin Sute Kayisi
