Kyungu ayobile amasyo agha palukomano ulwa bapelelesi mwi boma lya Karonga ukufwa na masyo agha ghikupulikiwa mu ma internet ukuti ikibughatila ikya HRDC kikuya pakubomba ifinangikikisyo mwi boma.
Nukuti andaghisye fiyo aba ifibughatila ifi fikaya Karonga Civil Society Actors bope pakukolena nabo ukusita kuya nabo pafinangikikisyo ifi.
Kyungu atile abene bikuya pakughulila na ifi iboma likuya kubabula pa isya kuyobesano isi sikuya pakuyako mwalulu pa mbombo iya kutendekesya usebo uwa Karonga-Chiweta M1.
Pakuyobapo uwa pakikota uwa fibughatila ifi fikaya fya boma mwi boma lya Karonga Edgar Phiri atile ali nulusubilo ifinangikikisyo ifi fitikuya pakubombiwa mwi boma ili nukuti kangi bati bali nulusubilo ukuti iboma likuya oakubika ulwamuko ulwakubaghililiwa pa mbombo iya kutendekesya usebo uwa Karonga-Chiweta M1.
