Untemi uwa batemi Kyungu ayobile amasyo agha pa isyakuyobesania isi ubunyafyale ubwa mwi boma ili buyobesenie ni kambala ili kangi na bakulumba kulumba ukufumila ku tughaba utwa kwenesya utubombo utwa musebo kisu muno.
Kyungu atile inguto iya sebo ughu yikutiwe kabalilo akatali kusita ukwamukiwa polelo ikambala ili libaghile ukufwanilisya imbombo iya kutendekisye usebo ughu ikinja iki isi bati linga sikabombiwa abene ukuya bunyafyale bikuya pakubombesyela ubulongosi bwabo ukuti mpaka usebo ughu ghutendekesiwe.
Pakwamulapo Jappie Mhango asimikisyile abanyafyale aba ukuti imbombo iya kutendekesya usebo uwa Karonga-Chiweta M1 yili kale mumbatiko isya kipani ikya DPP ukuti linga bisile ukwingila mwi boma pa 16 September ikinja iki kyamalikagha bisakutendekesya usebo ughu nukuti kangi bati indalama silipo kale isya sebo ughu.
Mhango atile imbombo iyi yikuya pakubombiwa na ma Contractor mabili yumo ikuya pakwandila Chiweta mpaka Wovwe yumo Karonga mpaka Wovwe.
Unsimbi-Austin Sute Kayisi
