Isi siyobiwe palubatiko ulwa kukumbukila umwana mu African, (African Child Day Commemoration) ulu lwabombeliwagha pa sukulu iya primary iya Kisindile ku ntemi Kyungu mwi boma lya Karonga.
Pakuyobapo uwa pakikota uwa kaselo ya boma lya Karonga Atusaye Mwenefumbo atile utubombo utwa kuyenga ubwa ifyumba ifya kumanyililamo,ifibusu nu buyo ubwakumanyililamo isya bupakasi na misi pa sukulu fibaghile ukuti fiyengeliweghe palikimo nukwenesya ukuti fyosa fimalike kabalilo kale nukwanda ukubomba imbombo.
Pakuyobapo uyu alimilile ifibughatila ifi fikaya fya boma (CSOs) Amos Chindamba atile abene bikuya pakukindilila ni boma mumbatiko syosa ukongelelapo ulusako kuya na misi amanunu buyo ubu bukaya nulusako ulwa kuya na misi.
Untu walubatiko ulu lwali lwakuti “Ukwenesya ukuti umwana aliwesa mu Malawi ambilile amisi amanunu” nukuti ulubatiko ulu lubombiwe nubukolelanisi nifibughatila bo Future Planning for the Child,Ulalo, Evangelical Association of Malawi na World Vision.
Unsimbi-Austin Sute Kayisi
